Laugarstovo

Prestakaien Laugarlag er ein heilårsbadeklubb som vart stifta i 2020. Dei har innreia ein sauna inne i eit gamalt naust som tidlegare tilhøyrde prestegarden i Ulvik.

Prestakaien og stranda innanfor er eit bade- og rekreasjonsområde for både innbyggjarar i Ulvik, turistar og andre besøkande.

Naustet har ei rik historie som dei no vidarefører. Dei er opptatte av den lokale kulturarven, og ønskjer å bevara naustet sitt ytre skal, samtidig som dei opnar eit velferdstilbod for alle. Plasseringa ved Prestakaien skapar eit unikt møtepunkt ved fjorden, der fortid møter notid i eit fellesskap prega av avslapping og velvære.